Нашата мисија

Приказна која започнува во падините на Овчеполието, природна оаза сместена надвор од урбаната и загадена градска средина.

Еко живинарска фарма Ѓоргиеви е мала фамилијарна фарма која се занимава со производство на свежи и природни јајца преку примена на принципот на слободно еколошко фармерство.

Нашите кокошки се слободни одгледани со многу љубов, внимание и нега, а продуктот од оваа наша мала заедница е здраво и свежо еко-јајце полно со нутритивни вредности.

A basket filled with a variety of brown and blue eggs nestled in straw, with the edge of a wooden coop visible, on a sunny day.

Еко-Фармерство

Еко-фармерството е иднината која и ја должиме на нашата природа.

Посреќни, поздрави и слободни животни

Среќата на кокошките е она што нам ни е најзначајно. Со "Free Range" фармерството се овозможува на кокошките да се движат слободно низ фармата, онака како што налага и природата за нив.

Среќна кокошка значи здраво јајце.

Чиста природа и плодна почва

Чиста природа преку работење на принцип на затворен биолошки систем. Ова подразбира производство на храна која што ја конзумираат кокошките и користење на меѓупроизводот за наѓубрување на земјите, што есенцијално ја намалува потребата за надворешни ресурси.

Поголема биоразновидност

Градење на здрав биолошки систем ќе значи почеток за многу нови видови на животни и растенија што значи и зголемена биоразновидност, а со тоа и поздрав еко-систем.

Свежи домашни и безбедни прехрамбени производи

Преку здраво производство и продажба на своите продукти локално, еко-фармерството гарантира квалитет и свежина на својот производ.

Поддршка на локалното производство

Поддршката на локалното еко-фармерство е критична за одржување на здрава и одржлива заедница и може да има позитивен ефект во смисла на намалување на трошоците на транспорт и на заштитата на биоразновидноста.

Намалени емисии на јаглероден диоксид

Еко-фармерството се базира на метод на одржливост, а тоа значи дека овде е забрането користење на пестициди и инсектициди. Преку користење на исклучиво органски материи за збогатување на почвата се помага во намалување на емисијата на јаглероден диоксид во природата.